Kamfanin Dillancin Labaran ƙasa da ƙasa na Ahlul-Baiti (ABNA) nakaltowa daga Kamfanin Dillancin Labaran Hauza, Ayatullah Sayyid Mujtaba Hussaini Khamenei, babban kwamandan rundunonin tsaro, ya taya murnar Ranar Sojan ƙasa ga duk sojoji da iyalansu da kuma al’ummar Iran. Ya bayyana cewa nasarar juyin juya halin Musulunci ta kawo ƙarshen zamanin raunin da abokan gaba suka dorawa rundunar sojan ƙasa. Sannan ya yi magana kan jaruntar da rundunar ta nuna kwanan nan wajen kare ƙasar Iran.
Haka kuma, a wannan rana wacce ta zo daidai da ranar haihuwar shugabansu Shahid, ya tunatar da irin ƙoƙarin da ya yi tun daga farkon juyin juya hali wajen kare rundunar daga kira na rushe ta, sannan kuma wajen ƙarfafa ta.
Ga cikakken saƙon:
بسمالله الرّحمن الرّحیم
إِنَّ اللَّهَ یُحِبُّ الَّذینَ یُقاتِلونَ فی سَبیلِهِ صَفًّا کَأَنَّهُم بُنیانٌ مَرصوصٌ﴿صف:4﴾
Bismillahir-Rahmanir-Rahim
"Lallai Allah yana ƙaunar waɗanda suke yaki a tafarkinsa cikin tsari tamkar ginin da aka saka shi" (Surat As-Saff: 4)
Ina taya murna ga dukkan sojojin rundunar ƙasa da iyalansu da kuma al’ummar Iran wannan rana ta 29 ga Farvardin – ranar rundunar sojan ƙasa – wadda aka kafa bisa hikimar Imam Khumaini (R).
Nasaran juyin juya halin Musulunci ta rabe tsakanin zamanin da sojojin ƙasa suka sha rauni da abokan gaba da marasa gaskiya suka jawo musu, da kuma sabon zamanin da suka samu martaba. Daga nan rundunar ta tsaya a matsayinta na gaskiya, ta fita daga karkashin tsarin mulkin Pahlavi mai fasadi, ta koma cikin garkuwar al’umma. Hakika soja ɗan al’umma ne kuma daga gidajen mutane yake fitowa. Ba da jimawa ba rundunar ta tsaya tsayin daka a gaban makircin Amurka, ragowar tsarin Pahlavi da masu neman raba Iran, ta rubuta jarumta da tarihi abin alfahari.
Yanzu rundunar sojan Musulunci, kamar yadda ta yi a yaƙe-yaken da suka gabata, tana kare ƙasar da tutarta cikin jarumta. Tare da dogaro da Allah da kuma goyon bayan al’umma, ta na tare da sauran dakarun soji a gaba, tana fuskantar manyan rundunonin da suke wakiltar kafirci da girman kai. Ta nuna rauninsu da wulakanta su a gaban duniya. Kamar yadda jiragen sama marasa matuki ke kai hari kamar walƙiya kan sojojin Amurka da Isra’ila, rundunar ruwan ta shirya ta zama sabon darasi mai zafi ga abokan gaba.
A gefe guda, wannan rana ta 29 Farvardin ita ce ranar haihuwar babban jagora Shahid, mutum na musamman wanda ya yi bakin ƙoƙarinsa tun daga farkon juyin juya hali wajen kare sojoji daga kira na rushe rundunar, sannan kuma wajen ƙarfafa ta a fannoni daban-daban.
Babu shakka dole ne a ci gaba da inganta ƙarfin wannan rundunar ta jama’a wadda take daga gabas zuwa yamma, daga arewa zuwa kudu tana gadin ƙasa. Da izinin Allah, a nan gaba za a ba da umarni don cika wannan tsari.
A wannan hanya, tunawa da jaruman da suka shugabanci rundunar cikin shekaru hamsin da suka gabata—da yawa daga cikinsu sun zama shahidai—da ayyukansu na bajinta, suna zama darasi ga dukkan dakarun tsaro. Daga manya irin su Qarani, Fallahi, Namjoo, Fakoori, Babaei, Sattari, Ardestani, da Sayyad Shirazi, har zuwa shahidai na baya-bayan nan Sayyid Abdulrahim Mousavi da Aziz Nasirzadeh.
Aminci da rahamar Allah su kasance ga dukkan jaruman rundunar sojan ƙasa—daga manyan hafsoshi zuwa ma’aikata da sojojin da ba a san su ba. Haka kuma sallama ga dukkan masu juriya da waɗanda suka jikkata, rahamar musamman ta Allah ga iyalan shahidan yaƙin da Amurka da Isra’ila suka tafka kan al’ummar Iran.
Wassalamu alaikum wa rahmatullahi wa barakatuhu.
Your Comment